Boas!!
Xa tiña ganas de facer un novo Aguinaldo que nos últimos cursos, por diversas circunstancias, non o puiden facer pero... no 2024 retomamos!
Como nestes anos, houbo cursos que nunca o fixeron este curso vou facer algunha modificación para que todos podades vivir a experiencia... así que estes son cursos e as cantigas escollidas:
6º DE EDUCACIÓN INFANTIL (5 ANOS): Porque aquí non é ben ruar
Ímonos xa pra aldea
orque aquí non é ben ruar.
Ímonos xa pra aldea
porque aquí non é ben ruar,
porque Xesusiño dorme,
porque Xesusiño dorme
e podemolo despertar
e podemolo despertar.
MÚSICA
Porque aquí non é ben ruar.
Ímonos xa pra aldea
porque aquí non é ben ruar,
porque Xesusiño dorme ,
porque Xesusiño dorme
e podémolo despertar
e podémelo despertar.
MÚSICA
*Nesta entrada antiga podedes atopar a música para practicar e a partitura para o alumnado de 6ºEP que farán unha colaboración nesta cantiga: https://cpmasmusica.blogspot.com/2019/11/canto-de-reis-e-panxolina-de-neda.html
4º DE EDUCACIÓN PRIMARIA: No pendello
No pendello que sae ao camiño
hoxe ás doce da noite naceu
un meniño pequeniño
que parece do ceo caeu.
RETROUSO:
Un meniño pequeniño (lalala)
que parece do ceo caeu.
Entre o bafo de dous animais
pois o pobre cubertas non ten
nin señales de pañales
pra tapalo do frío se ven.
RETROUSO
Levareille logo este mantelo
aunque ás veces boa falta me fai
que o trouxeron de bo xeito
pra que faga os panos a nai.
RETROUSO
*Nesta entrada antiga podedes atopar a música para practicar: https://drive.google.com/file/d/0B1koCyCb6506ZmFaa01md3BZdDQ/view?resourcekey=0-rsILpquebqWJaZXS8TsyIw
6º DE EDUCACIÓN PRIMARIA: Canto de Laxoso
SOLISTAS 1:
A Belén camiña
pastores e reis
pasan camiñando
a noite e o día
porque antes da noite
queren chegar.
Ai antes da doce
a Angorén chegar.
SOLISTAS 2:
Foron camiñando
a onde atoparon
a dous pasaxeiros
e lles preguntaron
si para Belén
hai onde quedar
Ai antes das doce
a Angorén chegar.
SOLISTAS 3:
Foron camiñando
a onde toparon
un portal moi vello
e mal amañado
fixeron concerto
de alí se quedar
Ai antes das doce
A Angorén chegar.
SOLISTAS 4:
Dean o aguinaldo
señores a nós
que moito ensaiamos
estoutra canción,
despachen señores
é preciso andar
Ai antes das doce
A Angorén chegar.
Se nolo habedes dar
Non tedes que lle esperar
Imos a correr Galicia
E o reino de Portugal Ai lalalalala...
Esta casa si que é casa
O canteiro que a fixo
Por dentro semella o ceo
E por dentro o paraíso Ai lalalalala...
Ora veña ora veña
Ora veña se ha de vir
que somos de terra lonxe.
*Nesta entrada antiga podedes atopar a música para practicar: https://cpmasmusica.blogspot.com/2019/11/canto-de-reis-e-panxolina-de-neda.html
Así que veña! a practicar estas fermosas panxoliñas para poñer mísoca as rúas de Chapela...
Saúdiños musicais con arrecendo de nadal!
