Coñecemos a Odaiko Percusion Group!

Olaa!

Esta semana iremos ver "Cousas de catro" de Odaiko Percusion Group.
Odaiko é un grupo formado por catro percusionistas que levan máis de dez anos enriba dos escenarios, dando máis de 300 actuacións por todo o mundo (Taiwan, EEUU, Slovenia, Amsterdam...).

"Cousas de Catro"  é un xogo de palabras que fai un
chamamento á importancia do traballo en equipo e que conecta co público mediante xestos e humor. Desta forma, o alumnado se adentrará na experimentación e desenvolverá curiosidade musical.

Para que vos fagades unha idea vos poño aquí os vídeos dos anteriores espectáculos que ofertaron ás escolas:





O que queira saber máis sobre este grupo de percusión pode visitar a súa páxina: http://odaiko.es/odaiko/

Cancións que voan

Ola!!

Estes días na clase prepararemos a celebración do día da paz que, como algúns xa sabedes, imos facela en colaboración cos outros coles da zona: o C.E.I.P. Carballal e o C.E.I.P. Eduardo Pondal.

Sei que Melanie e Inés (as mestras do Carballal e o Pondal respectivamente) xa están ensaiando, así que é necesario que practiquedes un pouquiño pola vosa conta para saber moi ben a letra de "Apertas que voan" e que nos quede un vídeo estupendo. Así poderemos enviarlles aos outros coles no só apertas senón tamén cancións e alegrías como corresponde nesta data.

Asi que... a cantar!

APERTAS QUE VOAN ("BRINCA VAI") DE PACO NOGUEIRAS

Audio da canción: https://www.youtube.com/watch?v=fm9QciJC4QM
Letra: 

Mans brancas e cara negra

teño os beizos vermellos.

Teño sentimentos novos,

teño sentimentos vellos.

Mans negras e cara branca

teño o meu peito cheo

de bicos e de sorrisos

de apertas que voan no vento.

RETROUSO:

Porque ti es o meu amigo,

porque nos levamos ben,

porque ti es o meu amigo

distinto e igual á vez.

Porque ti es a miña amiga,

porque nos levamos ben,

porque ti es a miña amiga

distinta e igual á vez.

Eu non quero ver fronteiras,

sempre me poño a pensar

en dixar a xanela aberta,

así pode entrar o ar.

Pintar o vento de cores,

deixar as palabras medrar

sen dar máis razoamentos

e así poder cantar.

RETROUSO

Un camiño faise a pasiños,

un pasiño comigo has de dar,

ha de ser un camiño bonito

se imos xuntiños da man.

Non hai grandes nin pequenos,

e de feros non imos falar,

dáme unha man, compañeira,

que pouco nos ha de importar.

RETROUSO