Comezamos un novo tema!

Boas!!

Estes días estivemos traballando o contrabaixo na clase e saíu  a anécdota do instrumento máis grande, déixovos aquí a ligazón á entrada sobre o octobass... alucinade!

https://cpmasmusica.blogspot.com/2015/03/octobasse-cite-de-la-musique-paris.html

E para rematar o trimestre empezamos unha nova unidade didáctica, e é das miñas favoritas... música galega!. Déixovos algunhas das actividades que iremos  facendo na clase:

Click  na imaxe!

 

  

  

Ireivos contando!

O contrabaixo

 Boas!!

Este é un material para o alumnado do CEIP Fontescura que me pediron hai un tempiño... espero que vos guste e que lle saquedes moito partido! Un saúdo para todos vós!

Miña música e da miña familia

E aquí está o meu padlet!!

Non podía escoller unha única canción favorita porque como poderedes ver o meu gusto é un pouco ecléctico así que escollín algunhas das que máis me gustan e explícovos porqué. Ao final está a da miña familia máis cercana.

Para a semana (seguramente o luns) publicarei o derradeiro traballiño de música deste curso tan atípico que (como todos os ano) será unha proposta especial para acabar o curso, de todos xeitos podedes seguir mandándome os vosos padlets (http://cpmasmusica.blogspot.com/2020/06/musica-en-familia.html) que os que estou recibindo están realmente ben!!!

Xa montarei unha entrada con todos os padlets que reciba porque están realmente ben!!

Un saúdiñoo!

Canción Ricardo Carvalho Calero

Ola!

O meu colega Samu volveu facer unha canción baseada no autor homenaxeado nas letras galegas para o que lle apeteza escoitala e aprender un pouquiño máis sobre el.

 Moitas grazas polos vosos vídeos, notas de audio e foto para a canción "Verdescente" e fotos coas casmisetas do maratón (actividades explicada nas anteriores entradas)... lembrade que  todavía tedes esta semana para mandarme cousiñas!!

Saúdiños!!

Actividades intercentros (máis explicada): Verdescente

En canto a proposta musical que saibades que cada cole monta o seu vídeo e ao subilo a súa propia páxina citanse os dous outros coles que o fixeron... por agora estamos anotados estes:

- CEIP García Barbón de Vigo

- CEIP nº 1 de Tui

- CEIP Esterio de Ferrol

- CEIP Ponzos de Ferrol

- CEIP Otero Pedrayo (Vigo)

- CRA María Zambrano (O Rosal)

- EEI Monte do Alba (Vigo)

- CEIP Igrexa Valadares (Vigo)

- CEIP Plurilingüe de Atios (Porriño)

- CEIP Plurlingüe Igrexa Chapela

A ver se teño suficiente material para participar... estaría guai tantos coles unidos dende a distancia e nuna situación como esta máis todavía!

Lembrade que imos facer un  vídeo coa canción "Verdescente" de Uxía Lambona e a banda molona (que moi amablemente cedéronnos e graváronnos a versión karaoke para esta actividade) e para iso preciso cousiñas como:

* Un vídeo cantando e bailando a canción enteira (ou un fragmento) sobre a versión karaoke
* Un audio de WhatsApp sobre a versión karaoke e unha fotiño vosa
* Un vídeo bailando
* Un debuxo da canción (que como escoitaredes fala de Galicia)
* Un pequeno video ou foto poñendo caras graciosas
* Gravarvos cantando o retrouso
* Unha foto/ vídeo tocando instrumentos musicais

O que queirades... botarlle imaxinación! Cantas máis cousas orixinais reciba melllor vai quedar! Espero que algúns vos animedes a cantar :)

Déixovos novamente os materiais para evitarvos ir a entrada antiga:

- Letra: https://drive.google.com/file/d/1XvEOP2VWKvudbbJU6vsBbT2yZZIjUyUk/view

- Audio karaoke: https://drive.google.com/file/d/1-FO5iMc9VkDMhg5KDt00_FtaCvVzlv6C/view

- Audio (vídeo) da canción orixinal: https://youtu.be/3LENjTMH7Ac

Como é unha actividade de música podedes mandarma ao meu correo (cuentalumnado@gmail.com) ou ao teléfono do ANPA (617395139)... o que prefirades!

A data límite para mandar vídeos e fotos será o xoves 14 de maio, en principio xa que todos os coles o farán igual... irei vendo!

Pois espero escoitar as vosas voces moi pronto e grazas por escribirme!

Actividades Intercentros (máis explicada): Fotoma(ra)tón

Como ides chic@s??

Non recibín todavía ningunha foto nin vídeo así que penso que igual non me expliquei ben... aquí vai outro intento. Todavía temos unha semana así que... Animádevos!!

Como podedes ver no cartaz trátase de mandar unha foto coa vosa camiseta do maratón para entre todos os centros da parroquia (CEIP Igrexa Chapela, CEIP Laredo, IES Chapela) un presentación común... eu xa me saquei a miña!

Podedes mandalas a calqueira dos correos que manexo eu, o do cole (ceip.alexandre.boveda@edu.xunta.es) ou o que empregades para mandarme os traballiños (cuentalumnado@gmail.com), ou subilas a twitter co hastags #maratonletrasgalegas #coleangoren.

Se non tes a túa camiseta a mán propóñoche unha alternativa: ponte unha camiseta vermella calqueira e saca a foto por detrás (así non se ven os debuxos) ou ben imprime e pégalle a ilustración da nosa camiseta que podes descargar aquí: https://drive.google.com/file/d/1t6JathuKNTNx_Ua923yD6dPpG4OYTN9D/view?usp=sharing

Póñovos ademais o cartel do IES e a información que mandounos o IES por se queredes saber un pouquiño máis e desta forma expreso a miña admiración por buscar a forma de continuar con esta actividade tan chula que inventaron hai moitísimos anos... grazas IES Chapela!

Estou desexando vervos... moito ánimo!

Dúas propostas intercentros

Boas!!

Antes de nada, moitas grazas pola vosa participación nos maios... a verdade que quedounos un vídeo chulísimo... déixovos aquí o ligazón a youtube por se ainda non o víchedes:

 

E unha semana máis aqui chega o traballiño musical que, coma sempre, trato de que vos resulte divertido e entretido :) 
Lembrade que o luns poñerei o último programa de Radio Beretiño coas respostas ao concurso así que todavía estás a tempo de participar: pon as túas respostas como comentario neste blog veña!

Pois estas próximas semanas no cole estamos a preparar un día moi especial, ó 17 de maio, día das letras galegas. Sairán propostas relacionadas con Ricardo Carballo Calero dende a biblioteca e co noso tradicional maratón dende Dinamización e dende música imos contribuír. 
Dende o IES de Chapela (e en colaboración cos outros CEIP de Chapela ) pídesenos que animemos a noso alumnado a sacarse unha foto coa camiseta do maratón no seu paseo do día das letras galegas para así visivilizar a nosa parroquia e o noso tradicional maratón que este ano non se pode realizar...  deberedes subila ao twitter cos hastags #maratonletrasgalegas e #coleangoren, ou se o preferides podedes mandala por correo electrónico ao centro ou  min e nos encargámonos de subilas e recopilalas. 

E por outra, hai unha proposta desta área á que se van sumando cada vez máis coles como: CEIP García Barbón de Vigo, o CEIP nº 1 de Tui, o CEIP Esterio e o CEIP Ponzos de Ferrol, CEIP Otero Pedrayo (Vigo), o CRA María Zambrano (O Rosal), o EEI Monte do Alba (Vigo) CEIP Igrexa Valadares(Vigo), CEIP Plurilingüe de Atios (Porriño),o CEIP Plurlingüe Igrexa Chapela e agora nós.
Trátase de facer un vídeo con canción"Verdescente" de Uxía Lambona e a banda molona. Xa sabedes, que "cantar" é un dos contidos máis importantes e que máis facemos en clase e a idea é facer un vídeo similar a este tan chulo que fixeron artistas galeg@s:

 

E como imos facer?

Pois escolledes un sitio que vos guste durante o voso paseo (ou tamén dende as vosas casas e fincas se queredes), vos poñedes a vosa camiseta do maratón (imos xuntar ambas propostas para que non se vos acumule o chollo) e vos gravades cantando a canción sobre a versión karaoke desta... déixovos aquí uns conselliños. Despois sacádesvos unha foto tamén e mandásdeme todo para que eu poda levar a cabo as dúas propostas intercentros.

Indicacións para tarefa: 

1. Para comezar tedes que aprender ben a canción. Déixovos aquí a letra: https://drive.google.com/file/d/1XvEOP2VWKvudbbJU6vsBbT2yZZIjUyUk/view?usp=sharing
2.  Cando xa a teñades algo memorizada intentade interpretala sobre a base musical que segue. É un audio karaoke, é dicir, se voz para que se escoite as vosas:  https://drive.google.com/file/d/1-FO5iMc9VkDMhg5KDt00_FtaCvVzlv6C/view?usp=sharin
3. Pídovos que vos poñades a vosa camiseta do maratón que no noso cole é sempre a mesma, se non a tes a man ou xa non che sirve.. non pasa nada! Faino vestido de calqueira outro xeito!
4. Por último gravádevos un vídeo  cantando esta fermosa peza para enviala ao meu correo (cuentalumnado@gmail.com) ou ao teléfono do ANPA, elas reenvíanmo ao momento así que non vos preocupedes. Escollede o que vos resulte máis cómodo.  
5. Podedes cantala enteira ou un fragmento pero para que logo eu poda montala teño que ter todas as estrofas cantadas así que agradezo moito ás nenas e nenos que se animen a cantala enteira. 
6. Esta actividade é para todos os cursos, dende infantil ata primaria. Se para infantil é moi complicado aprender toda a letra, chega cun fragmento ou se queredes bailando un pequeno fragmento ou o que queirades!!!!
7. A data límite para mandar vídeos e fotos será o xoves 14 de maio.
8. Lembra que ademais do video preciso unha foto coa tua camiseta para poder enviarlla ao IES.

Como vedes esta semana o traballiño é un pouco máis complexo que os anteriores pero anímome polos bos resultados que estou tendo :)

Veremos o que sae deste experimento! Espero as vosas contribucións e... o máis importante, pasádeo moi ben levando a cabo esta actividade en familia.

Escribídeme como sempre se tedes calqueira dúbida e moitas grazas polo voso traballo!

Saúdiños musicais!!

Semana de concursos: maios e radio

Boas!!!

Que tal seguimos? Espero que moi ben e que vos axude a nova organización de traballo da páxina web do cole.

Esta semana tráiovos unha chea de traballo! Para que fagades pouquiño a pouco e disfrutandoo :) Vai ser o mesmo para todas as clases xa que son tarefas do cole impulsadas polos equipos de profesorado.

TRABALLO 1: Participación en maios confinados do Concello de Redondela

Dende o cole imos participar nesta iniciativa do noso Concello e eu pedísmosvos colaboración ás familias para que quede todavía máis chulo... @s profes xa estamos traballando neles! 

O problema é que o prazo acaba o día 28 así que... mandádenos as vosas aportacións canto antes!

      

TRABALLO 2: Escoita os programas de Radio Beretiño #euquedonacasa

Pois si! Ao fin están listos os programas de Radio Beretiño edición especal #euquedonacasa así que agora toca disfrutalos. Foron tantos os vosos audios que tiven que dividilos en 3 programas diferentes e ainda así son ben longos!

Que vos propoño? Escoitade os dous primeiros programas e participade no Concurso de Radio Beretiño (que hai ao final do 2º programa) os que sexades quen de acertar comentádeme as solucións nos comentarios deste bogue (lembrade poñer o voso nome para que saiba quen participa)... hai premio para @s acertantes!
Se non sodes capaces de facer comentarios podedes, como sempre, mandarme un correo a cuentalumnado@gmail.com. 

Ao final desta semana (ou comezos da seguinte) publicarei o terceiro e último programa de Radio Beretiño onde veñen as respostas así que... tranquil@s non vos vou deixar coa intriga!

Así que dádelle o play e a gozar escoitando as voces das vosas compañeiras e compañeiros!!! :)

Outro mensaxe de ánimo... grazas!

Porque nunca teremos suficientes cancións nin aplausos para a nosa sanidade, forzas de seguridade, servizos de limpeza, supermercados e mercados, centros de investigación... e a vós, nenas e nenos que agardades pacientemente nas vosas casas. Grazas!!

 

Creatividade como solución

Bos días!

Como andamos de ánimo? Espero que ben, pensade que cada vez queda menos para volver ao cole e estar xunt@s pero, de momento, quédanos un tempiño máis de espera.

Esta semana na aula de música própoñovos a todos os grupos traballar a CREATIVIDADE de diferente xeito según o nivel.  Como non quero que atronedes as vosas familias empregando obxectos sonoros (que sería como o faríamos na clase de música) ímolo adaptar e facelo sobre papel, é dicir debuxando!!

Cada clase terá unha canción inspiradora e un reto artístico que (coma sempre) anímovos a facer e mandarmo ao correo cuentalumnado@gmail.com para así poder mostrarllo ao resto de compañeiras e compañeiros en twitter...

No caso de 5º e 6º de primaria en vez dunha canción seleccionei este precioso curtometraxe que seguro que moitos de vós xa coñecedes. Mirádeo que vale a pena pero o mensaxe é claro: vosa creatividade e imaxinación salvaranvos dos problemas, ainda que sexa un confinamento.

Ambas cousas están moi presentes no arte: na música, no cine, na fotografía e, por suposto, na poesía. 

 

E que é o que quero que fagades? Pois que me mandedes as vosas propostas para o concurso de poesía visual que está organizando o Concello de Redondela. Seguide os seguintes pasos:

1. Lede detidamente as bases do concurso:   https://drive.google.com/file/d/11wWEexKTGA8l3ZUlXZQp6JQW02S0l_h2/view?usp=sharing
2. Escolle algo que che guste moito e sobre iso inventa a túa poesía visual, poesía conceptual ou caligrama... podes debuxar, sacar foto... o que máis che guste!
3. Envíamo ao meu correo co teu nome e o título da túa obra.
4. Podes inspirarte con estes exemplos que saquei de internet, no meu caso escollín poesías relacionadas coa música e o mar.

TRABALLO TELEMÁTICO: Radio Beretiño #euquedonacasa

Boas!!

Que tal ides? Espero que con ánimo porque parece que todavía nos queda un pouquiño de tempo máis na casa... pola nosa parte xs profes pensamos moito en vós e queremos que teñades claro que estamos ao outro lado da pantalla.

Aquí vai a última actvidade do trimestre da área de música que, ao ser unha actividade de peche, ides ver que é un pouquiño especial... a ver qué tal sae.

Nestes días de confinamento moitos artistas de todos os ámbitos que están facendo gratuítamente os seus espectáculos a través de redes sociais: eu estou "indo" a concertos, clases de baile, monológos de risa, clases de debuxo... e todo con artistas moi coñecidxs! Así que buscade e poderedes pasar un bo tempiño en familia facendo cousas que vos gusten :)

Xa sabedes que no noso cole leva varios anos funcionando "Radio Beretiño" que agora coa transformación da biblioteca mudou para alí convértendose en "Radio na biblio".  Por iso imos intentar facer un programa especial titulado #euquedonacasa ao igual que están facendo @s artistas ás que sigo.  Queredes participar??? ... moita atención as instrucións!

Como?

Tedes que gravavos a vosa voz dende casa utilizando un audio de WhatsApp (que seguro que todos o coñecedes e o manexades) e mandalo ao teléfono móbil do ANPA "Os Muíños" do noso cole, elas o reenviarán ao meu e así irei facendo colección ao longo de toda a semana que ven

Seguro que o tendes todos pero, por si acaso, o móbil do ANPA é: 617 39 51 39. Por favor antes ou despois do audio poñede o voso nome e curso e "Para Ángela" e así non terán dúbidas de que mo teñen que reenviar.
Se queredes gravar dun xeito máis elaborado (con programas como Audacity no ordenador) ou compartir o arquivo conmigo doutro xeito, xa sabedes que piedes empregar cuentalumnado@gmail.com.

Que podo gravar?

Pois tendes bastante liberdade a escoller o que máis vos guste porque logo eu aglutinarei esos audios por bloques. De todos xeitos vouvos dar unhas ideas para facilitarvos a tarefa: 

• Dicir unha canción que vos guste e poñer un fragmento (ou cantala vós)
• Recitar algún fragmento literario: un poema, unha adiviña, un chiste,...
• Gravarvos lendo algún texto composto por vós estes días de confinamento
• Gravarvos tocando algo na frauta ou noutros instrumentos que teñades na casa 
• Mandar un audio  de ánimo para @s compañeir@s 
• Investigar algún dato curioso relacionado co mar e gravalo dicindoo (algúns de vós me mandáchedes estes días canto tardan en desfacerse algúns materiais de plástico e iso lido por vós valeríavos perfectamente).

Tedes moitas opcións así que espero que vos animedes! 

Por suposto que poden saír familiares con vos e botarlle toda a imaxinación que creades! Xa sabedes que encántanme ver a vosa creatividade .

Pois nada que espero escoitar moi pronto as vosas voces e un poquiño despois disfrutar do programa todas e todos xuntos!

Saúdiños musicais e moito ánimo a tod@s!

Un proxecto ecolóxico...

Boas!!

Algúns de vos tedes que investigar sobre o cd "Operación can" un interesante proxecto feito hai uns anos por coles públicos... a ver que descubrides.

Déixovos unha das cancións que ven no cd xa que se relaciona co traballo dos plásticos nos  oceános como estamos traballando...

 

Saúdiños musicais!

Infografías de lingua galega

Boas!!

Xa non nos queda nada deste curso e por iso non teño novidades musicais que poñer neste blogue. Sen embargo si quero compartir con vós son as infografías que fixo o alumnado de 6º nestas últimas clases de lingua galega... moitas están francamente ben!

Aquí unha seleción dalgunhas e ao final atoparedes o pdf de todas as infografías para que as nenas e nenos que os realizaron as podan descargar e conservar... Bo traballo e espero que vos sexan moi útiles!

GRUPO 1: https://drive.google.com/file/d/0B1koCyCb6506X0htVW0xUUZlM3c/view?usp=sharing

GRUPO 2: https://drive.google.com/file/d/0B1koCyCb6506VTA4QjFsS2Njc2M/view?usp=sharing

GRUPO 3: https://drive.google.com/file/d/0B1koCyCb6506NzQyRU1GQzluQTA/view?usp=sharing

GRUPO 4: https://drive.google.com/file/d/0B1koCyCb6506Y19IYnZ5WTIwTEU/view?usp=sharing

GRUPO 5: https://drive.google.com/file/d/0B1koCyCb6506enR1N1dlS2hWaW8/view?usp=sharing

GRUPO 6: https://drive.google.com/file/d/0B1koCyCb6506LUlTMlhaSWxJS0E/view?usp=sharing

Para as medusas de 3º EP

Ola nenas e nenos de 3º de primaria!

Como o nose blogue aínda non está preparado para mostrar ao público (calculo que estará para a vindeira semana) aproveito este para pasar os materiais que me pediu unha nena de clase (os apuntes de lengua que tedes que ir estudando). En canto esta alumna sinto a tardanza, se me olvidara por completo. Click no ligazón: https://drive.google.com/file/d/0B1koCyCb6506VDlJczVGYmV2SG8/view?usp=sharing

Para os demais, como isto non ten que ver con música, vos poño o videoclip da canción que vos ensinei polo entroido... podedes bailalo cos vosos paraugas!

Bo entroido e ata pronto!

 

Coñecemos a Odaiko Percusion Group!

Olaa!

Esta semana iremos ver "Cousas de catro" de Odaiko Percusion Group.
Odaiko é un grupo formado por catro percusionistas que levan máis de dez anos enriba dos escenarios, dando máis de 300 actuacións por todo o mundo (Taiwan, EEUU, Slovenia, Amsterdam...).

"Cousas de Catro"  é un xogo de palabras que fai un
chamamento á importancia do traballo en equipo e que conecta co público mediante xestos e humor. Desta forma, o alumnado se adentrará na experimentación e desenvolverá curiosidade musical.

Para que vos fagades unha idea vos poño aquí os vídeos dos anteriores espectáculos que ofertaron ás escolas:





O que queira saber máis sobre este grupo de percusión pode visitar a súa páxina: http://odaiko.es/odaiko/

Boas vacacións!

Olaaa!

O outro día na clase estivemos a falar de instrumentos grandes e saiu o octobass. Vos comentei que era tan grande que tiñan que desmontalo para poder transportalo, así que aquí tedes un vídeo de como se monta e como soa:

 

 Tamén vos poño a foto que teño cun octobass que quedara en ensinala.
 Así que nada máis, disfrutade das vacacións e nos vemos en nadiña de tempo!

Xa queda moi pouco para o nadal...

Ola tod@s!

Non sei a vos pero a min xa me cheira a nadal.. por iso vos deixo algunhas páxinas relacionadas co nadal xa que sei que vos gusta tanto como a mín...

Manualidades relacionadas co nadal:

Panxoliñas para cantar na casa (cando vos cansedes das nosas)

Seguide ensaiando as panxoliñas para o festival e veredes como nos sonan moi ben!

Buscando na rede

Boas!

Estos días estou buscando na rede páxinas interesantes para a clase. De momento, vos enlazo uns blogues nos que se traballan contidos que imos ver próximamente na clase, pero sigo de búsqueda.

Podedes ir votándolles un ollo:
- Blogue sobre instrumentos musicais: http://losinstrumentosmusicales.wordpress.com/instrumentos-de-cuerda/corda-fregada/violi/
- Blogue sobre liguaxe musical: http://almudenalenguajemusical.wordpress.com/2014/02/09/compases-1ee/

¡Un saudoo!

Competición musical

¡Menudo show!

Os recomiendo ver este vídeo en que estas cuatro genios utilizan la expresividad de la música y la expresión corporal para fingir una dura competición.
Fijaros en los diferentes timbres de los instrumentos, obras clásicas famosas y estilos musicales que utilizan... Para vosotros ¿cúal de las cuatro gana?

Para os máis cativos...

Ola a tod@s!

Non adoito publicar para Infantil, pero estes días imos preparar unha saída didáctica moi chula que vajn ter. Así que poño aquí un  par de vídeos por si queredes curiosear un chisquiño. A mín paréceme que están moi ben.

 (Clik nas imaxes)

Saudiños!