Benvidos a un novo curso!

Benvidos a un novo curso escolar!

Por onde nos levará o curso 2025-26? déixovos unha pista na seguinte canción...

 

Ata prontoo!

Comezamos un novo tema!

Boas!!

Estes días estivemos traballando o contrabaixo na clase e saíu  a anécdota do instrumento máis grande, déixovos aquí a ligazón á entrada sobre o octobass... alucinade!

https://cpmasmusica.blogspot.com/2015/03/octobasse-cite-de-la-musique-paris.html

E para rematar o trimestre empezamos unha nova unidade didáctica, e é das miñas favoritas... música galega!. Déixovos algunhas das actividades que iremos  facendo na clase:

Click  na imaxe!

 

  

  

Ireivos contando!

O NOSO CANTO | Todas xuntas resoamos máis forte

Feliz día da muller traballadora!

 

É tempo de entroido...

Bos días!

Levamos unhas semanas traballando o entroido na clase e estas son as cancións  que escolléchedes para facer as vosas murgas... a ver que tal sae!

CANCIÓN PARA 4º DE EDUCACIÓN INFANTIL

 

MURGA DE 2º DE PRIMARIA: "Chegou o entroido"

 

MURGA DE 5º DE PRIMARIA: "O entroido empeza xa"

 

A verdade é que quedaron moi ben así que ensaiade moito para que saia ben... saúdiños musicais!

Feliz día da paz e a non violencia!

Bos días!

Para desearvos un bo día da paz e a non violencia déixovos estes fermosos vídeo que estivemos traballando estes días atrás na aula :)

Saúdiños musicais!

Luisa Villalta

 Canto tempo!

Nestas semanas de locura entre títeres, maratón,  contacontos e saídas... algunhas clases están aprendendo poemas musicados de Luisa Villalta, autora á que se lle adican as letras galegas este curso.

Así que, como fai moito tempo que non poño xogos, deixo algúns sobre esta importante escritora por si algún de vós apetécelle saber un pouquiño máis:

(click nas imaxes para xogar)

Agora a xogar e a aprender!

Créditos:

- A primavera das letras

- Seminario Galán

Feliz 2024!

 Feliz ano a todos! estou moi contenta de volver a estar na escola traballando con todos vós e por iso andamos xa atarefados co ENTROIDO!.

Por unha banda, póñovos aquí a ligazón do baile da comparsa que estamos a ensaiar estes días na clase por se queredes repasalo na casa:  música comparsa.

E por outra, algunhas clases xa están a ensaiar un tradicional do entroido do Angorén como son as MURGAS. Póñovos aquí as letras e as músicas editadas para que podades ensaiar. 

4º EDUCACIÓN INFANTIL (3 ANOS)

"Pinta, pinta enferruxa

pinta, pinta co tizón.

Ti serás a mascariña

eu serei o mascarón.

Bate, bate co caxato

entroideiro choqueirón.

Ti farás de carpinteiro

eu serei o toleirón. 

(Click na imaxe para acceder á  música)

2º EDUCACIÓN PRIMARIA: "En Angorén pasámolo moi ben"

- Letra: https://drive.google.com/file/d/1C4LgVGoTNH79R8WjwBXh2v5UtULCmFYg/view?usp=sharing

- Música  (playback editado): 

https://drive.google.com/file/d/1-ZGEY7VkfyV58_LFrpTKqSsgApAINEet/view?usp=sharing

6º EDUCACIÓN PRIMARIA: "Ben! xa chegou o entroido..."

- Letra: https://drive.google.com/file/d/1_xDqOLa8Nz8hOWz1NyitStFABV4r_Su6/view?usp=sharing

- Música (playback editado): https://drive.google.com/file/d/1uw6pEZi9wF285RYbPy41gE6jcCkeMohg/view?usp=sharing

Agora a ensaiar moito!

Saúdiños músicais ata a próxima entrada que será  moi pronto!

Folerpiña (transportada) - Campás afinadas

Outra canción chula para a aula :)

 

Danza das horas - Xestos e instrumentos PAI

Un novo exercizo chulo para a aula! Seguro que vos vai gustar!ª

 

Algunhas páxinas interesantes para explorar na clase de TIC's

Olaa!

Como vedes este blog adáptase ás necesidades de cada curso e, como este curso son a vosa mestra de música e de TIC's, empregareino para os traballos de ambos.

Aquí deixo unha primeira búsqueda que estiven facendo para empregar na aula... xa irei engadindo máis :)

• ALGÚNS XOGOS PARA INFANTIL:
• https://sites.google.com/site/deborahgrimaldi/infantil
  
• 
  https://www.educa.jcyl.es/infantil/es?locale=es_ES
  
• http://roble.pntic.mec.es/arum0010/index.htm
  
• PUZZLES: https://www.actividadesprimaria.es/

• 1º PRIMARIA: 
• http://cpmonreal.es/programaciones-de-aula-tic-1-curso/

• 2º PRIMARIA:
• http://cpmonreal.es/programaciones-de-aula-tic-2-curso/

• 3º PRIMARIA: 
• http://cpmonreal.es/programaciones-de-aula-tic-3-curso/
• http://www.clarionweb.es/3_curso/intro.htm
  

• 4º PRIMARIA: 
• http://cpmonreal.es/programaciones-de-aula-tic-4-curso/
• http://www.clarionweb.es/4_curso/intro.htm
  

• 5º PRIMARIA: 
• 
  http://cpmonreal.es/programaciones-de-aula-tic-5-curso/
• http://www.clarionweb.es/5_curso/intro.htm
  

• 6º PRIMARIA:  
• http://cpmonreal.es/programaciones-de-aula-tic-6-curso/
• http://www.clarionweb.es/6_curso/intro.htm
  

* WEBS CON DIFERENTES XOGOS E ENQUISAS (PRIMARIA):

• https://www.testeando.es/
  
• https://es.educaplay.com/
  
• http://www.educaplus.org/
  
• https://www.educa.jcyl.es/infantil/es?locale=es_ES
  
• https://www.actividadesprimaria.es/

Saúdoss!

Benvid@s a un novo curso!

Como este curso imos traballar contidos relacionados coa cociña,  imos abrindo boca con esta canciòn :)

 

Cancións para final de curso

 Olaa!

Xa non  queda nada para que remate o curso, e para despedilo como merece, en música estamos facendo diferentes traballos relacionados co noso proxecto, "Galicia máxica".

Aquí déixovos as ligazóns das cancións de cada curso:

Educacion Infantil: https://youtu.be/fEymLn154iM

1° de primaria: https://youtu.be/PVh3b8jVE5o

2° de primaria: https://youtu.be/7ukgZ3iBDOQ

3° de primaria: https://youtu.be/9cdBmV2DGMw

4° de primaria: https://youtu.be/u_p7LRF-NIk

5° de primaria: https://youtu.be/plM0OiVn5jQ

6° de primaria: https://youtu.be/UYwLh0WOGDY

Antes de despedirme deixo aquí unha ligazón para o alumnado de 5° de primaria (farédelo en clase de TICs):

 https://docs.google.com/forms/d/e/1FAIpQLScq3O3wIDT19rneuccaSOoLqRXPMusLnGIQjuJuHHrqdpNGbA/viewform

E agora a traballar que en nadiña estamos de vacacións!

As bandas sonoras

Boas a todas e todos!!

Desde a distancia elaborei este recurso esperando que vos resulte moi interesante e divertido... bótovos de menos!

Saúdiños agarimosos e musicais!

Felices festas!

 Boas!

Xa que este trimestre non puiden estar con vos, mándovos os meus mellores desexos de forma virtual con este chulísimo vídeo que  fai referencia a hitos da historia da música... recoñecedes algunha figura?

Unha aperta!

Benvida ao corona- curso

Boas! 

Comezamos un novo curso con moitos retos e novidades pero xa sabedes: xunt@s o conseguirémolo!!

O cole está repletiño de novas normas máis ou menos complicadas que buscan salvagardar a nosa saúde e esta semana repasarémolas na clase pero... con moito ritmo.!

Podedes ir escoitando a canción que traballaremos esta semana e... coma sempre...

Saúdiños musicais!

 

Escape room musical

Boas!!!
Xa sabedes que a última actividade de curso sempre é diferente e lúdica e, este ano, merecíades algo moi especial.

Así que preparei este Escape room musical espeial para vós (premede na imaxe para acceder a el) despois de ler as instrucións: 

1. Tedes que resolver as probas dende o número 1 ao número 5.
2. Collede papel e algo para escribir, xa que debedes ir anotando cada resposta. Unha vez a teñades mandádemas nun único correo electrónico: cuentalumnado@gmail.com.
3. Podedes acceder as probas dende os ligazóns do PADLET (ao que accederedes dándolle clic á imaxe) ou ben a través dos ligazóns dos vídeos de youtube, o que resúltevos máis cómodo. 
4. Unha vez reciba as 5 respostas recibiredes a resolución ao enigma e saberedes onde está o director. Ademais teredes unha sorpresiña máis.
5. Se tedes dúbidas ou problemas de acceso escribídeme sen problema. 
6. A xogar!!

Antes de comezar, observade as cancións que escoitaredes de fondo nos vídeos xa que son auténticas obras de arte, así que... a disfrutar!!

Unha aperta musical!!

Miña música e da miña familia

E aquí está o meu padlet!!

Non podía escoller unha única canción favorita porque como poderedes ver o meu gusto é un pouco ecléctico así que escollín algunhas das que máis me gustan e explícovos porqué. Ao final está a da miña familia máis cercana.

Para a semana (seguramente o luns) publicarei o derradeiro traballiño de música deste curso tan atípico que (como todos os ano) será unha proposta especial para acabar o curso, de todos xeitos podedes seguir mandándome os vosos padlets (http://cpmasmusica.blogspot.com/2020/06/musica-en-familia.html) que os que estou recibindo están realmente ben!!!

Xa montarei unha entrada con todos os padlets que reciba porque están realmente ben!!

Un saúdiñoo!

Música en familia

Boas!!

Xa nos vai quedando moi pouquiño de curso e para estas penúltimas semanas propóñovos unha dinámica de coñecemento da vosa familia con esta actividade creada por Mª Jesús Camino, fonte inagotable de recursos musicais.

En "Música en familia" teredes que investigar a canción favorita (ou algunha que lle guste moito) das persoas máis próximas a vós: os vosos pais e nais, irmás e irmáns, os avós e avoas, tíos, curmáns... cantas mais cancións teñades mais chulo quedará o traballo!

Isto vos vai permitir coñecer os gustos musicais da xente que máis queredes á vez que descubriredes diferentes estilos e xeracións musicais... podedes empregar preguntas como as seguintes:

- Cal é a túa canción favorita agora?

- Que canción gústachye máis de sempre¿

- Que cantabas cando tiñas a miña idade?

- A que artista musical admiraches?

Podedes preguntar cómo queirades pero destas formas que vos indico sairán artistas de todos os tempos... eu tamén vouno facer coa miña familia! Xa vos ensinarei!

Como non podemos empregar as cortizas do cole imos empregar, nos niveis superiores (3º, 4º, 5º e 6º EP) un Padlet (un muro dixital onde poderedes colocar os vídeos das cancións recompiladas) e os máis pequen@s podedes mandarme (por correo electrónico) fotos ou escaneos dos vosos traballiños feitos a mán, ainda que se queredes explorar a plataforma axudados polas vosas familias sería xenial... penso que podedes pasar un bo tempiño en familia!

Instrucións paso a paso para realizar a tarefa que (coma sempre) estará programada durante as dúas próximas semanas:

1- Entrevistar ás persoas da nosa familia, ás que teñamos máis preto ou ás que queramos con algunha das preguntas que poño enriba ou calqueira outra similar. Deben dicir unha canción dun grupo ou artista.

2- Anotade esta información e buscar en Youtube a canción seleccionada. Logo abrir unha nova lapela e buscar o resto de cancións na mesma plataforma... así teredes todo preparado para elaborar o traballo final no momento que vos poñades coa aplicación.

3- Abride a aplicación PADLET (click aquí enriba) e asocialo a unha conta de correo electrónica. Débedes escoller a función "basic" que é a gratuita.

4- PADLET é unha ferramenta sinxela de empregar e permítevos engadir vídeos, fotos e texto. Tedes que seleccionar a opción "muro" e ir dándolle ao + para engadir elementos.

5.- Despois teredes que compartilo comigo por correo electrónico, para iso tedes que pulsar en "Compartir" (na parte superior dereita) e copiar o link que vos da (en "Copiar el enlace en el portapapeles") ou mediante a terceira opción directamente (pon "correo electrónico").

Para os cursos máis pequenos (infantil e 1º e 2º de primaria) podedes intentar facer algo similar debuxando ou crear as vosas creacións artísticas  cos títulos das cancións.

Eu aínda estou construíndo o meu así que déixovos de exemplo o da persoa á que lle collín a idea... veredes que chulo!

Pois estou desexando ver as vosas creacións e as músicas das vosas familias!!
Ánimo e vémonos pronto!

Unha aperta melodiosa!!

Nestas semanas... xogos musicais!

Boas!!

Estas dúas semanas o traballo vai ser totalmente online xa que quero que repasades algúns contidos da área de música que non traballamos dende que empezou o traballo telemático. Para iso, vouvos facer unha selección de novos xogos musicais clasificados polos bloques que temos pendentes traballar. Ao lado de cada púxenvos idades orientativas, esta indicación é sobre todo para os cursos máis baixos (xa que hai conceptos de linguaxe musical que ainda non aprendimos), pero todos os xogos son válidos para todos os niveis xa que o obxectivo fundamental de calqueira xogo é divertirse.

Para que eu  saiba qué tal resultan, pídovos que publiquedes un comentario nesta entrada do blogue comentándome as vosas puntuacións e qué xogos gústanvos máis. Coma sempre, tamén podedes mandarme un correo eletrónico a cuentalumnado@gmail.com se vos resulta máis cómodo. 

Pois aquí tedes a selección que espero que vos guste:

1. Creación musical:
-Creación de cancións (EI- 6º EP)
-Incredibox (EI- 6º EP)
-Creación de ritmos, espectogramas, ondas sonoras...   *Este último é interesantísimo e moi recomendable pero so pódese acceder desde Android (é dicir, tablets e móbiles con este sistema). Invítovos a explorar e crear música con eles. Aquí vos explica un pouco máis o recurso: https://www.xatakandroid.com/web-movil/chrome-music-lab-descubre-como-funciona-la-musica-jugando-con-estos-experimentos

2. Audición:
- Discriminación auditiva (EI- 3º EP)
- Recoñece sons da natureza (EI- 3º EP)
- Recoñece e recrea ritmos básicos (4º- 6º EP)

3. Compositores:
- MusicMacht composers (5º-6º EP)
- Memory de grandes compositores (EI- 6º EP)
- Diferentes xogos de "O entroido dos animais" de Saint- Säens (EI- 4º EP)

4. Linguaxe musical:
- Notas mi, sol, la (1º- 6º EP)
- Debuxa a clave de sol (EI- 3º EP)
- É un signo musical? (3º- 6º EP)

5. Instrumentos musicais:
- Memory básico (EI- 6º EP)
- MusicMacht instruments (EI- 6º EP)
- Quiz sobre instrumentos musicais (EI- 6º EP)

Pois espero que o pasedes moi ben e os vosos comentarios!!

Feliz día das letras galegas 2020!

FELIZ DÍA DAS LETRAS GALEGAS!

Imos celebrar un día tan especial gozando do marabilloso traballo do alumnado e familias do #coleangoren! Moitas grazas a todas as persoas que participáchedes!

 

E como vos explicara, era unha proposta intercentros (é dicir, de moitos coles) así que click no logo de cada escola e divertirse co traballo do resto de nenas e nenos: